Verifikasyon peman
Apre ou soumèt prèv peman an, ekip AJF-Tech verifye tranzaksyon an. Aksè kou a aktive sèlman lè prèv la konfime. Si gen erè nan kantite lajan, nimewo tranzaksyon oswa prèv la, ekip la ka mande plis enfòmasyon.
Aktivasyon aksè
Lè peman an apwouve, kou a vin disponib sou dashboard elèv la. Pou kou gratis oswa mini-course gratis, aksè a ka aktive otomatikman.
Ranbousman
Ranbousman pa otomatik. Yon demann ka evalye si peman an fèt pa erè, si aksè a pa t aktive, oswa si gen yon pwoblèm teknik serye AJF-Tech pa rive rezoud nan yon delè rezonab.
Ka ki pa kalifye fasil pou ranbousman
Yon kou ki deja konsome anpil, yon kont ki pataje ak lòt moun, oswa yon itilizatè ki vyole kondisyon platfòm nan ka pa kalifye pou ranbousman.
Koupon ak rabè
Koupon yo ka gen dat ekspirasyon, limit itilizasyon, oswa kondisyon espesifik. Rabè pa toujou ka aplike apre yon peman deja valide.
Transfè aksè
Nan kèk ka, AJF-Tech ka aksepte transfere aksè yon kou bay yon lòt kont si demann lan fèt rapid, si kou a poko konsome anpil, epi si ekip la kapab verifye peman an.
Kijan pou mande asistans
Pou yon pwoblèm peman oswa ranbousman, ouvri yon ticket support ak non ou, imèl/WhatsApp, kou a, metòd peman an, kantite lajan an, ak prèv tranzaksyon an.